1 Timothy 2
Di hai e daumaha
1I mua nia mee huogodoo, au e hagamaaloo adu gi di goe bolo nia hiihai, nia dalodalo, nia dangidangi mo nia danggee la gi wanga ina gi God i di gili digau huogodoo, 2i nia king labelaa, mo digau aamua huogodoo, gi mee di mouli gidaadou i di noho i di aumaalia mo di tentene, i tadau daumaha ang gi God mo di mouli madammaa. 3Di mee deenei la di mee humalia e haga tentene di manawa o God, go tadau Hagamouli, 4dela e hiihai bolo digau huogodoo gi kae di mouli, ge gi kabemee ginaadou gi nia mee ala e donu. 5Idimaa, God le e dahi hua, ge tangada e dahi labelaa i golo e haga buni mai a God mo nia daangada, deenei go Jesus Christ, 6dela ne tigidaumaha ia gi God, e haga dagaloaha nia daangada huogodoo. Deenei di haga modongoohia mai baahi o God bolo ia e hiihai bolo nia daangada huogodoo la gi mouli. 7Deelaa laa ne hagau mai au gadoo be tangada agoago hagau, be go tangada agoago gi digau tuadimee e hagadele ana helekai i di gili di hagadonu mo di tonu. Au hagalee helekai nia kai tilikai, au e helekai di mee dela e donu. a8Au e hiihai bolo nia daane ala gu hagadabu ang gi God, gi dahi aga ina nadau lima ga dalodalo laa i nia gowaa huogodoo, ge hudee hagawelewele be e lagamaaloo. 9Au e hiihai bolo nia ahina la gi ulu i nia gahu e duudanga ge humalia dono ulu ai ginaadou, gi hudee binia nia ngaahulu nadau libogo, ge hudee humu ina ginaadou gi nia goolo be nia hadu lodo baehua ▼ be nia gahu hui ngadaa. c 10Gei gi hai hegau humalia gi donu, be di ahina daumaha ang gi God. 11Nia ahina gi gaabee ina di agoago i di noho deemuu mo di hila gi lala. 12Au hagalee dugu anga nia ahina gi agoago, be e dagi nia daane, digaula gi noho dee muu. 13Idimaa, Adam dela ne hai matagidagi, ga nomuli go Eve. d 14Hagalee go Adam dela ne halahalau, go di ahina dela ne halahalau, ga oho taganoho a God. e 15Gei nia ahina le e mouli mai i ginaadou e haanau nadau dama, maa ginaadou ga hagamahi di hagadonu, di aloho, mo di mouli dabu i nia hangaahai humalia.
Copyright information for
KPG